Мас: Германија и ЕУ се солидарни со Грција, потребна и волја од Турција

Шефот на грчката дипломатија ја изрази и ја повтори подготвеноста на Грција за дијалог, но не како што рече, „дијалог под закани или провокации”, додавајќи дека за дијалог е потребен веродостоен соговорник и истакнувајќи дека Турција продолжува со провокациите и ескалацијата.

Овде сум со две пораки, првата дека Германија и целата Европска Унија се со Грција со чувство на солидарност и втората исто толку важна порака е дека она што сега итно ни е потребно е знак за деескалација и намера, волја за дијалог под предусловите што ги поставува меѓународното право, рече министерот за надворешни работи на Германија Хајко Мас по средбата со неговиот грчки колега Никос Дендиас, јави дописничката на МИА од Атина.

Акцентот на разговорите на двајцата шефови на дипломатиите бил ставен на ситуацијата во Источниот Медитеран, со оглед на тоа дека Мас од Атина заминува за Анкара на средби со турскиот државен врв.

Хајко Мас ја изрази германската поддршка и подготвеноста да помогне и придонесе за искрен дијалог меѓу Грција и Турција врз основа на меѓународното право и во рамките на германското претедателство со ЕУ.

Прочитајте и...  Демократскиот сојуз бара од Османи да му врачи протестна нота на бугарскиот амбасадор

-Се надевам чекор по чекор да стигнеме до напредок и да ја постигнеме целта, а целта на сите нас, според она што ми го потенцира секоја страна е на крајот од процесот да постои решение, решение не со употреба на сила или воено решение, туку да биде решение на добрососедски односи, рече Мас.

Шефот на грчката дипломатија ја изрази и ја повтори подготвеноста на Грција за дијалог, но не како што рече, „дијалог под закани или провокации”, додавајќи дека за дијалог е потребен веродостоен соговорник и истакнувајќи дека Турција продолжува со провокациите и ескалацијата.

-Очигледно е дека ризикот во Источниот Медитеран ги надминува границите на билатерални разлики, се однесува на целата Европска унија, на целото европско семејство, се однесува на суверените права на Европската унија, се однесува на безбедноста на Европската унија, се однесува на безбедноста во Медитеранот, се однесува на кредибилитетот на Европската унија и затоа нема простор за двојни стандарди, рече Дендиас и истакна дека Грција ќе ги одбрани нејзиниот суверенитет и нејзините суверени права, како и „националните и европските граници и суверенитетот на Европа”.

Прочитајте и...  Болниците се полнат, хоспитализирани се околу 500 пациенти од коронавирусот

Додаде дека Грција ја очекува листата од Борел со санкции за Турција.

Шефот на германската дипломатија претходно се сретна и со грчкиот премиер Кирјакос Мицотакис, како и со лидерот на СИРИЗА, Алексис Ципрас.

На средбата Мицотакис – Мас, според грчки владини извори, била истакната потребата за деескалација на турската провокација за да се намали тензијата во регионот.

За иницијативата на Германија како претседавач со ЕУ,  истите извори коментираат дека тоа придонесува позитивно во оваа насока.

Поврзани вести

Белгиската министерка за надворешни на интензивна нега поради Ковид-19

Илинка Иљоска

Претставници на Стејт департментот воделе тајни преговори за мирно заминување на Мадуро од власт

Илинка Иљоска

Автобусите на ЈСП утре ќе сообраќаат по неделен возен ред

Слободен печат

Истражување: Повеќето граѓани сметаат дека општинските служби и инспекторите зависат од волјата на градоначалниците

Слободен печат

Левица поднесе Предлог-Декларација за осуда на бугарските национал-шовинистички претензии

Слободен печат

Рекет-2 одложен, Боки-13 во болница – кога ќе оздрави никој не знае

Горан Наумовски

Остави Коментар