Маричиќ и СЕП ќе обезбедуваат институционална поддршка за проектите од Отворен Балкан
На денешната седница, Владата донесе одлука со која ги задолжи вицепремиерот за европски прашања Бојан Маричиќ и Секретаријатот за европски прашања да обезбедат институционална поддршка за реализацијата на иницијативите и договорите во рамките на иницијативата Отворен Балкан.
Ваквата одлука претставува зајакнување на институционалните капацитети со цел засилено да се спроведат проектите кои се дел од оваа регионална иницијатива.
Координацијата на Отворен Балкан и на регионалните иницијативи од страна на Владата ја реализира Националниот координатор за Отворен Балкан и за регионални иницијативи, Марјан Забрчанец и националната координаторка за регионална соработка и за европски интеграции, Нола Исмајлоска – Старова.
Премиерот Ковачевски и македонската Влада се домаќини на следниот лидерски самит на Отворен Балкан кој ќе се одржи во првата половина од јуни во Охрид.