Годинава најдобрата машка одбојкарска репрезентација на Македонија ја очекуваат два големи настани, Европската златна лига и Европското првенство.

По освојувањето на четирите сребрени и две бронзени медали во единствената Европска, а потоа и во т.н. Европска сребрена лига, нашите најдобри одбојкари сега предводени од новиот селектор Јошко Миленкоски ќе бараат добар резултат и во Европската златна лига.

„Црвено-жолтите“ се наоѓаат во групата „Б“ заедно со селекциите на Белгија, Украина и Хрватска.

Првиот меч избраниците на селекторот Миленкоски ќе го играат на гостински терен против Украинците во полскиот град Лоѓ.

– Гостувањето кај Украина на 27-ми овој месец ќе биде првиот предизвик за македонските одбојкари во Европската златна лига. Во нашата група се и Белгија и Хрватска, што значи дека конкуренцијата е силна, а тоа им е потребно на „црвено-жолтите“ пред Европското првенство во Скопје на крајот на летото. По воведниот дел во Маврово, националниот состав сега работи во Скопје – вели еден од најискусните во македонската репрезентација, примачот Владо Милев.