Заврши Екипното Балканско првенство во шах за младинци до 18 години кое се одржуваше во одлични услови во „Хотел СКАРДУС“.

По неизвесна борба до самиот крај првото место го освои репрезентацијата на Грција, втора беше Словенија.

А на третото место со што ни го донесоа и бронзениот медал се пласираше првата екипа на Македонија.

Боите на нашата репрезентација во оваа силна конкуренција ги бранеа Емил Ристески, Андреј Велјаноски, Леонид Петрески, Антон Златков и Моника Жежовска предводени од селекторот Орце Данчевски.

– Ова беше одличен завршеток на оваа година во која нашите младинци во неколку наврати покажаа одлични игри и добри резултати и се надеваме дека во наредните години ќе имаат уште подобри резултати – пренесуваат од Шаховската федерација на Македонија.

На првенството настапија по една екипа од Словенија, Грција, Албанија и Косово, и по две екипи од Црна Гора и Македонија.