Имам и син Филип, има 24 години и не живее со нас, си изнајми стан, но не знам точно каде. Со него речиси и да немам контакт, бидејќи за жал и тој е психопат, рече Етел Завадлав пред десет месеци, во март минатата година пред Жупанскиот суд, пишува Еспресо.рс.

Во таа прилика Етел давала исказ против братот на Филип, кој го пријавила за смртни закани, јавува Слободна Далмација.

Во оваа постапка на момчето му бил одреден притвор во истражниот затвор каде поминал три месеци, од март до јуни.

Етел во сведочењето ја објаснила и својата семејна ситуација, истакнувајќи дека два пати била мажена и дека вкупно има пет деца од тие два брака.

За трикратниот убиец од Сплит, Филип рекла дека е психопат, но не прецизирала зошто го мисли тоа за својот син.

За помладиот син, кој го пријавила дека и се заканувал оти ќе ја убие, бидејќи во една прилика кога тој сакал да го носи кучето на шетање таа тоа не му го дозволила, изјавила дека односите и биле добри се додека тој не почнал да зема дрога.