Мајк Тајсон откри шокантни детали за Џејми Фокс: Имаше мозочен удар, не се чувствува добро!
Боксерската легенда Мајк Тајсон (56) откри шокантни детали за здравствената состојба на актерот-оскаровец Џејми Фокс (55).
„Тој не се чувствува добро. Велат дека имал мозочен удар. Немам поим што му се случи“, рекол боксерот, пренесува „Сан“.
Фокс бил хоспитализиран во последните неколку недели, а, неофицијално, моментално се лекува во домашни услови. Кон средината на минатиот месец, семејството на 55-годишниот актер сподели дека тој претрпел медицински компликации поради кои морал да биде хоспитализиран. Тие соопштија и дека Фокс сега е на опоравување, иако не открија за каков здравствен проблем станува збор.
„Би сакале да споделиме дека мојот татко Џејми Фокс доживеа медицинска компликација. За среќа, со брза реакција на лекарите и соодветна медицинска грижа, тој веќе почна да закрепнува. Ние знаеме колку го сакате и ги цениме вашите молитви. Семејството ве замолува за приватност во овие мигови. Ви испраќаме многу љубов, семејството Фокс“, напишаа тие на Инстаграм.
Здравствените проблеми на Фокс предизвикаа проблеми на снимањето на филмот „Back in Action“, во кој ќе ги видиме Џејми Фокс и актерката Камерон Дијаз. Ова ќе биде нејзино прво филмско појавување по деветгодишната пауза.
Сепак, лошата здравствена состојба на Фокс не е единствената пречка што застана на патот на големото враќање на филмската ѕвезда Камерон Дијаз. Имено, неодамна настанал вистински хаос за време на снимањето на филмот, кога била пронајдена неактивирана бомба од Втората светска војна.