Ливерпул ќе ги решава проблемите со Елмас?
Елиф Елмас не може да биде задоволен од минутажата која ја има во редовите на Наполи, македонскиот репрезентативец најголем дел од натпреварите ги започнува од клупата за резерви.
Поради таквата ситуација медиумите повторно го поврзуваат со заминување . Сега турскиот „Аксам“ пренесува дека Ливерпул бил подготвен да испрати понуда за неговите услуги. Засега не се откриваат повеќе детали за понудата ниту каков ќе биде одговорот на Наполи.
Тимот на Клоп е во поголема резултатска криза, а проблеми имаат и со повредени фудбалери и затоа се очекува во јануари да бидат активни на трансфер пазарот. Претходно од Наполи истакнуваа дека не се заинтересирани за продажба на Елмас, меѓутоа не е исклучена можноста со адекватна понуда да се промени нивниот став.
Сезонава Елмас во сите натпреварувања одигра 15 натпревари и постигна еден гол, вкупно за Наполи одигра 141 натпревар со учинок од 12 гола и осум асистенции.