Личните предмети на Фреди Меркјури продадени за рекордни 46,5 милиони евра: Чешелот за мустаќи достигна сума од 176.000 евра
Вкупната заработка од серијата аукции со личните предмети на Фреди Меркјури, кои беа организирани од аукциската куќа „Сотби“, достигна сума од 46,5 милиони евра, што е рекорд за колекција од овој тип, пишува „Пипл“.
На аукциите во сите 15 аукциски куќи на „Сотби“, беа понудени 1.400 предмети од еклектичната колекција на покојниот Фреди Меркјури.
Овие предмети беа изложени како дел од музејска изложба, што аукциската куќа бесплатно ја отвори за јавноста, со што привлече повеќе од 140.000 посетители за еден месец.
Меѓу предметите што се најдоа на аукциите беше пијаното „Јахама“ на музичарот и сребрениот чешел за мустаќи од „Тифани и Ко“, кој беше продаден за неверојатни 176.000 евра, што ја надмина проценката пред аукцијата од 500 до 750 долари.
Пијаното на Меркјури е продаден за 2 милиони евра (2,2 милиони долари), што исто така е рекордна сума за пијано, иако аукциската куќа првично предвиде дека ќе достигне цена од 2,5 до 3,8 милиони долари.
Музичкиот инструмент на поранешниот фронтмен на „Квин“, беше користен за компонирање на едни од најголемите хитови на бендот, вклучително и „Bohemian Rhapsody“, а рачно напишаниот текст за песната исто така достигна неверојатни 1,7 милиони долари. Ракописот од 13 страници, го вклучува работниот наслов на песната „Mongolian Rhapsody”, како и алтернативни строфи.
Сребрената змиска алкa што ја носеше Меркјури во музичкото видео за „Bohemian Rhapsody“ во 1975 година, беше продадена за 881.717 долари што е рекордна цена за парче накит што и припаѓа на една рок-ѕвезда. Ретката училишна книга, потпишана со Фредерик Булсара на предната страна, исто така достигна цена од 88.786 долари.
Речиси 42.000 понуди беа поставени во текот на шесте дена, од понудувачи од 76 земји за досега невидените приватни предмети на музичарот.
Колекцијата беше понудена на продажба од Мери Остин, блиска пријателка на Фреди, со која тој извесно време бил свршен, а на крајот ѝ ја оставил својата куќа и целиот свој имот. Таа изјави дека одлучила да ги продаде речиси сите нејзини предмети за да го „затвори ова посебно поглавје во нејзиниот живот“.
Повеќе од 1.400 лични предмети на Фреди Меркјури ќе бидат продадени на аукција во Лондон
Триесет години ја чува неговата тајна: Жената која Фреди Меркјури ја сакал до крајот на својот живот
