Во 1989 година Диего Армандо Марадона ги одушеви навивачите на Наполи на Олимпискиот стадион во Минхен, Германија.

Тогаш најдобриот играч на светот, Аргентинецот опуштено се загреваше за полуфиналниот натпревар од Купот на УЕФА (сега Лига Европа) во кој неговиот клуб гостуваше кај Баерн.

И додека неговите соиграчи имаа стандардно загревање, спринтови и вежби за истегнување, безгрижниот Марадона со одврзани копачки ги воодушеви фановите, елегантно танцувајќи со топката и музичкиот хит на австриската група „Опус“, „Live is Life“.

Инаку, Наполи таа година го освои Купот на УЕФА, во Минхен мечот заврши 2:2, а пред тоа во Италија славеше калчолигашот со 2:0.

Во големото финале (на два натпревари) „наполитанците“ беа подобри од германскиот Штутгарт (2:1, 3:3).