Крадец од Скопје уапсен во Штип, полицијата во „БМВ-то“ му го најде пленот
На 08.12.2021 околу 08.30 часот во Штип, полициски службеници од СВР Штип го лишиле од слобода Н.К.(44) од Скопје, информираат од МВР.
Тој бил баран со потерница поради постоење основи на сомнение дека е сторител на две кривични дела „тешка кражба” на подрачјето на општина Гази Баба во Скопје.
„При преглед над него и контрола во возилото „БМВ” со скопски регистарски ознаки, кое го управувал, биле пронајдени и одземени 4.960 евра, разновиден златен накит, два мобилни телефони, а исто така, било одземено и возилото“, велат од полицијата.
За настанот бил запознаен Јавен обвинител, а по негови насоки и по целосно документирање на случајот против него ќе биде поднесена соодветна пријава.