Ковид-19 беше трета водечка причина за смртност во САД во 2020 година, по кардиоваскуларни болести и рак, според податоци на американските здравствени власти.

Коронавирусот предизвика зголемување на вкупната стапка на смртност за повеќе од 15 проценти во споредба со 2019 година. Таа стапка не е зголемена од 2017 година.

Вкупно, повеќе од 3,3 милиони луѓе починаа меѓу јануари и декември 2020 година во САД, објави Центарот за контрола и превенција на болести (ЦДЦ). Во однос на населението и возраста, 828 лица починале во 2020 година на 100.000 жители, за разлика од 715 во 2019 година, што е зголемување за 15,9 проценти.

Меѓу оние кои починале, повеќе од 377.800 починале или веројатно починале од Ковид-19.

За споредба, срцевите заболувања се причина за смрт на околу 690.000 луѓе истата година во САД, а ракот 598.000.

Стапката на смртност поврзана со Ковид-19 е најголема кај црнците и индијанците.

Неделите кога беше забележан најголем број на смртни случаи од Ковид-19 беа во април и декември или во екот на пролетта и зимата, утврдија здравствените власти.