Тренерот кој на Интер му ја донесе шампионската титула по пауза од 11 години, Антонио Конте ги договори личните услови со Тотенхем и се очекува во најскоро време да биде промовиран  во нов менаџер на премиерлигашот.

Поголем број од англиските медиуми пренесоа дека Конте во Тотенхем ќе има годишна од плата од дури 15 милиони евра со можност на име на бонуси да инкасира дополнителни два и пол милиони.
До конечен договор останаа да се решат деталите поврзани со буџетот за засилувања, а Конте исто така бара гаранции дека најдобрите фудбалери на екипата нема да бидат продадени.
Доколку добие гаранции за тоа што го бара, се очекува Конте веќе наредната недела да биде претставен како нов тренер на Тотенхем, што би значело враќање во Премиер лигата по пауза од три години.
Конте од 2016 до 2018 година го тренираше Челси и во првата сезона со „сините“ ја освои шампионската титула.