Коњановски: Пожарникарите се борат со огнот, многу е важно тој да не се прошири
Градоначалникот на Битола, Тони Коњановски, вечерва се појави во индустрискиот дел од градот, каде попладнево избувна голем пожар во објектот на „Жито Битола“.
„Околу 17:20 часот има пријава за пожар кој избувнал на кровната констукција. Сите возила на противпожарната единица се на терен, со 22 пожарникари. Побарана е помош и од РЕК Битола, противпожарно возило од нивната бригада е на пат. Контактирано е со директорот на ЦУК Ангелов, и со министерот Спасовски. Тоа е стар објект, во моментов пожарникарите се обидуваат да го локализираат пожарот. Колку што сме информирани, во објектот имало две лица, кои го напуштиле“, изјави Коњановски.
Според градоначалникот, се работи на тоа пожарот да се локализира и да не се прошири на околните објекти. Тој додава дека сѐ уште нема информации за тоа каде и како избувнал пожарот.