Комичарката Ејми Шумер откри: Организаторите на Оскарите ми забранија некои шеги
Легендарната комичарка Ејми Шумер имаше монолог на сцената на годинашните Оскари, непосредно пред Вил Смит да му удри шамар на Крис Рок за шегата за неговата сопруга Џејда.
Но, ако мислевте дека шегата на Рок беше непријатна и навредлива, веројатно ќе се изненадите кога ќе ја слушнете шегата што Шумер сакала да ја каже на сцената, но организаторите на Оскарите ѝ забраниле.
„Не знам ни што да кажам за доделувањето на Оскарите“, рекла таа, како што пренесува „Vanity Fair“. „Навистина не знам што да кажам. Организаторите ставија вето и на неколку мои шеги“.
„Една од нив требаше да биде, „Не гледај нагоре“ е наслов на филм? Би било подобро „не гледај во пиштолот на Алек Болдвин“, откри таа.
Ејми исто така додаде дека ѝ било забрането да кажува шеги за Џо Роган и обвинувањата за сексуално злоставување против Џејмс Франко.
View this post on Instagram
Набргу по церемонијата, Шумер се огласи на својот инстаграм-профил за да го пофали Крис Рок за неговата реакција по шамарот од Вил.
„Сè уште сум истрауматизирана“, напиша таа во објавата што за кратко ја избриша. „Го сакам мојот пријател Крис и мислам дека тој го поднесе тоа како професионалец“, заклучи таа.