Кога факултетите не работат заради коронавирусот, роботите дипломираат место студентите (ВИДЕО)
Во време на коронакризата запрени се голем број активности и поголемиот број од населението ширум светот, времето го поминува во четири ѕида, а затворени се и училиштата и факултетите. Но, тоа значи дека студентите се принудени да пропуштат еден од најважните настани во својот живот – дипломирањето.
Но, Јапонците не би биле Јапонци кога не би се послужиле со технологијата, па и за oвој настан на помош ги повикаа роботите. Така, на еден универзитет во Токио, наместо физички да бидат присутни на свечената церемонија за доделување на дипломите, студентите виртуално присуствуваа на настанот со помош на роботи и апликацијата „Zoom“.
This Japanese graduation ceremony is a hot topic on Weibo for using stand-in robots for its graduating student in times of #covid19. #Tokyo #日本大学举行云毕业典礼 pic.twitter.com/kyb0xkNqYN
— What's on Weibo (@WhatsOnWeibo) April 3, 2020
Роботите носеле студентски капи и мантили, додека на таблетите, кои се наоѓале место нивните „глави“, биле лицата на студентите кои ги „примаат дипломите“.
Ова, меѓутоа, не e прв пат церемонијата на доделување на дипломи во Јапонија, при епидемијата на коронавирусот, да се одвива виртуелно. Уште еден универзитет направи нешто слично, само што тука свеченото доделување на дипломи е одржано во видео играта Мајнкрафт, каде студентите се појавиле во вид на својот аватар.
Japanese students are using Minecraft to create their own elementary school graduation in spite of the coronavirus lockdown. https://t.co/RsM6oBswnk pic.twitter.com/3iI97jVE2Z
— IGN (@IGN) March 16, 2020