Кинеска болница лек против СИДА користи кај заболени од коронавирус
– Сметаме дека земањето на овој лек е од корист – им рече на новинарите Жанг, говорејќи за „калетра“.
Една промарна болница во кинескиот град Вухан од јануари користи лек против сида наречен „калетра“ за лекување на тешките случаи на коронавирус, и покрај тоа што тој препарат една студија го прогласи за неефикасен кога станува збор за Ковид -19.
„Калетра“ е верзија на лекот лопинавир, односно ритонавир кој не е опфатен со патенти, а лекарите во таа болница исто така препишуваат и бизмут калиум цитрат, вели Жанг Дингју, директор на болницата „Џининтан“ во Вухан, град во кој на крајот на минатата година започна пандемијата од коронавирусот, наведува Ројтерс.
– Сметаме дека земањето на овој лек е од корист – им рече на новинарите Жанг, говорејќи за „калетра“.
Тој додаде дека неговата болница, е една од првите кои ги лекувала заболените од Ковид-19 и почнала да препишува „калетра“ од 6. јануари.
-На врвот на епидемијата во Вухан, болницата лекуваше околу 500 заболени од коронавирус, додека денеска под надзор држи 123 пациенти, рече тој.