Кијану Ривс го воодушеви светот: Разговараше со обожавател на аеродром, му одговори на секое прашање
Кијану Ривс стана хит на „Твитер“ откако продуцентот Ендрју Кимел на социјалната мрежа објави фотографија од актерот со едно момче кое го забележало како излегува од лет во Њујорк.
„Кијану Ривс беше на мојот лет од Лондон за Њујорк. Еден млад човек му побара автограм и почна да му поставува низа прашања, а Кијану беше добро расположен и му одговори на секое прашање“, напиша Ендрју во описот на фотографијата од Ривс со младиот фан.
Keanu Reeves was on my flight from London to NYC today. A young boy asked for an autograph at baggage & then began to fire off a series of rapid-fire questions. Keanu happily responded to every single one… pic.twitter.com/T7m7PciL5C
— Andrew Kimmel (@andrewkimmel) July 4, 2022
Имено, Ривс и момчето започнале разговор на аеродромот кога го прашал зошто е во Лондон. Ривс му објаснил дека снима документарен филм. Кога момчето останало без прашања, Киану почнал да го прашува зошто е во Европа, кои галерии ги посетил во Париз и која му е омилена.
„Човекот не можеше да биде попристоен, особено по меѓународен лет. Сакав да го споделам ова затоа што човекот е прекрасен и малите моменти како овој можат да направат голема разлика во животите на луѓето. Ни требаат повеќе луѓе како Киану! И да, го прашав за фотографија. Морав!“, додаде продуцентот.
The man could not have been nicer, especially after an international flight. I thought I’d share this because the dude is a class act and little moments like this can make such a big difference in people’s lives. We need more Keanus!
— Andrew Kimmel (@andrewkimmel) July 4, 2022
Корисниците на твитер беа воодушевени од гестот.
„Кијану Ривс е легенда“, „Ова само докажува колку е прекрасен“, „Ми се допаѓа како се однесува Кијану. Ова е реткост“, „Кијану е неверојатно добар човек“, се дел од коментарите под објавата.