Вчеравечер во Зелената градина на ГТЦ, диџеј Гардиан, диџеј Фичо, диџеј Мац, диџеј Боби и диџеј Фици во организација на Сити радио и под покровителство на Градскиот трговски центар Скопје, 3Д Проект студио и агенцијата за маркетинг и односи со јавност, Идеа лаб, направија вистинска журка.
Обожавателите на добра музика ја следеа забавата во живо на Јутјуб каналот на Сити радио или директно на радио фреквенцијата 94,7 ФМ. Сити радио вршеше и пренос во живо преку своите инстаграм и фејсбук-профили, каде што на журката се приклучуваа многу следбеници и уживаа во различните битови на музика.

Забавата под мото „Се собравме за вас“ траеше од 20:00 до 23:00 часот, а судејќи според коментарите на оние што ја следеа, овој проект се реализираше одлично.

Диџеите и организаторите испратија позитивна енергија до сите слушатели на уникатен и посебен начин.

Според нив карантинот и корона вирусот не смеат да ни ја одземат забавата, а со лошото треба да се бориме со добро!