Каиседо ќе биде најскапиот играч во историјата на британскиот фудбал
Еквадорскиот фудбалер Мојзес Каиседо ќе биде најскапиот играч во историјата на британскиот фудбал. Челси му плати 132 милиони евра на Брајтон, го победи Ливерпул во таа трка и доби врвно засилување.
Според новинарот Фабрицио Романо договорот на Каиседо со Челси ќе трае до јуни 2031 година со опција истиот да биде продолжен до 2032.
Moisés Caicedo has just completed the main part of his medical tests started around 9am UK time 🚨🔵 #CFC
Now time to sign the contract as new Chelsea player until June 2031 with an option until 2032. pic.twitter.com/U2lSxmVirc
— Fabrizio Romano (@FabrizioRomano) August 14, 2023
Каиседо минатата сезона блескаше во тимот на Роберто Де Ѕерби, има само 21 година и Челси верува дека тој ќе биде столбот на новиот тим со Енцо Фернандеш. Повторно, Брајтон одлично се снајде со новата продажба во „синиот“ дел на Лондон по Марко Кукуреља (62 милиони евра).
Потсетување дека Брајтон пред две години го ангажираше Каиседо за „само“ пет милиони евра, а уште еден клуб добро ќе заработи од големиот трансфер на Каиседо.
BREAKING! Chelsea have agreed a deal with Brighton worth a British record £115m for midfielder Moises Caicedo. pic.twitter.com/juc9iqEt0Z
— Sky Sports News (@SkySportsNews) August 13, 2023
Станува збор Индепендиенте дел Вале од Еквадор, од град со близу 60.000 жители. Покрај продажбата на Каиседо за пет милиони евра, вметнале и клаузула дека ќе добијат 20 проценти од следната продажба.
Кога ќе се знае цената на целиот трансфер, јасно е дека Еквадорците ќе добијат уште 27 милиони евра. И тоа за играч кој одигра 31 натпревар за Индепендиенте. Инаку, најголемиот трансфер во историјата на еквадорскиот фудбал изнесува шест милиони евра.