Југословенски рецепт за натур шницли
Домаќинките во Југославија често се снаоѓале со она што го имаат во кујната, па така настанале некои од најубавите јадења, а токму такви се и натур шницлите. Можете да го користите секое месо што го имате во замрзнувачот, само водете сметка да не е пилешко. Сите други состојки ги имате во шпајзот, а наместо бујон можете да користите и вода, иако е подобро бидејќи бујонот дополнително го омекнува месото.
Состојки:
– 1,2 кг месо по избор (говедско, телешко, свинско)
– 3 лажици брашно + за месо
– 1/2 главица лук
– малку сенф
– малку бујон
Подготовка:
Шницлите исчукајте ги со чекан за месо, па посолете и забиберете. Сипете го маслото да го покрие дното, а кога ќе се загрее, додајте го месото што претходно сте го премачкале со сенф и сте го „извалкале“ во брашно. Пропржете кратко, па извадете го од тавата.
Во истото тавче кратко пропржете го ситно сечканиот лук, па додајте бибер и брашно (3 лажици). Промешајте, посолете, па сипете бујон (коцката за супа измешајте ја со вода) колку да се направи фин сос.
Кога ќе зоврие, промешајте и оставете уште неколку минути, па вратете ги шницлите и намалете ја температурата. Динстајте уште половина час. Наместо на шпорет, можете да ги динстате во рерна.