КУЛТУРЕН ПЕЧАТ број 225, во печатеното издание на весникот „Слободен печат“ (6-7.4.2024), во својот стандарден формат на осум страници меѓу содржините од областа на уметноста и културните настани има:

– интервју со Ана Јовковска за илустрираната книга за деца „Љубов во топка“: Детската книжевност ми дојде како природен процес откако станав родител

– разговор со битолскиот сликар Панде Петровски за изложбата „Метаморфози“ во Галерија „Остен“: Линијата не е само граница меѓу две површини

– Археолошкиот музеј со свечена академија одбележа 100 години постоење: Јубилеј исполнет со ентузијазам, елан и љубов за професијата

– изложба во Резиденцијата на ЕУ со наслов „Одејќи по тенки линии“: Разбивање на стереотипите за менталното здравје

– прошетка низ изложбата „Иднината како проект – Доксијадис во Скопје“ поттикнува сеќавања на достигнувањата од процесот на обновата на Скопје

– изложбата „Координати на еден сон: 60 години проектирање современост МСУ Скопје 1964-2024“ дава хронологија на оформувањето на сликата за современоста

– фестивалот „Танц фест Скопје“ под мотото „Сирово: од движење до виртуозност – 20 години Извонредност во современиот танц“ годинава го прославува јубилејот 20 години постоење

– Македонскиот народен театар ја промовираше книгата „Иванов 1887/1889: две верзии“ од Антон П. Чехов преведена на македонски јазик

– Годишна изложба на Фотоклубот „Елема“ е поставена во Галерија „Рудиќ“ во Скопје

– промоцијата на новиот роман од Калина Малеска со наслов „Светот што го избрав“ се одржа на 2 април во кафе-книжарницата „Буква“

– во рамките на резиденцијалната програма на издавачката куќа „Готен“, поддржана „Традуки“, во Скопје престојува писателката и сценаристка Дора Шустиќ.