Иван Перишиќ пред сензационално враќање во Хајдук
Иван Перишиќ е блиску до сензационално враќање во хрватски Хајдук, објави италијанскиот новинар Џанлука Ди Марцио.
Италијанскиот експерт за трансфери истакна дека Перишиќ наскоро ќе го раскине договорот со Тотенхем и ќе потпише за Хајдук. Актуелниот договор на Перишиќ му истекува за уште една година.
Минатата сезона 34-годишникот кој игра на позицијата лево крило одигра 44 натпревари за лондонскиот клуб и запиша 12 асистенции и еден гол.
Ivan #Perisic is close to returning to Croatia with @hajduk. He should terminate his contract with @SpursOfficial soon in order to complete the move. #THFC @SkySport
— Gianluca Di Marzio (@DiMarzio) July 6, 2023
Дека навистина постои сериозна можност Перишиќ да се врати во Хајдук потврдува и тоа што по Ди Марцио истата информација ја објави и Фабрицио Романо.
Самиот Перишиќ на прославата на бронзата со репрезентацијата на Хрватска минатата година го најави своето враќање.
„По титула ќе одиме со нашиот најдраг Хајдук, нема да кажам која година, но нема уште долго да чекате мое враќање“, изјави Перишиќ на дочекот кога навивачите го пречекаа со транспарент „Иване, време е“.
Перишиќ првите фудбалски чекори ги направи во Хајдук, но никогаш не дебитираше за првиот тим бидејќи си замина во француски Сошо пред да дочека прв настап за сениорскиот тим.