Италијански новинар со пофалби за Елмас: Тој е вистински пример за сериозност
Елиф Елмас игра одлична сезона во дресот на Наполи, македонскиот „дијамант“ постигна шест гола во Серија А, што е негова најефикасна од доаѓањето во Неапол, а додаде и една асистенција.
Кога и да добие шанса Елмас од Спалети секогаш го дава најдоброто и се забележува неговото влијаение на теренот, сезонава настапи на 22 натпревари, но само на седум беше стартер. Големи пофалби сега на адреса на Елмас пристигнаа од италијанскиот новинар Фабио Кареса.
„Фудбалерите како Елмас се вистински пример за сериозност. Кога дојде во Наполи сите го посочуваа како небрусен дијамант, а сега почна силно да сјаје. Треба да им се честита на сите во клубот, посебно на Спалети, најмногу за неговоата позитивна енергија која ја дава клупата“, истакна Кареса.
Во Наполи Елмас дојде од Фенербахче за сума од 16 милиони евра, а иако не е редовно стартер неодамна се појави информација дека Наполи нема да преговара за негова продажба за сума под 50 милиони евра.