Сезонава Наполи игра одлично и е блиску до освојување на Скудетото во Италија, а македонскиот репрезентативец, Елиф Елмас кога и да биде на теренот го покажува својот квалитет.

Нема улога на стартер Елмас и оваа сезона и игра како „џокер“ од клупата, меѓутоа и така „дијамантот“ има најефикасна сезона од кога е во Наполи со пет постигнати голови. Лучијано Спалети го ротираше на неколку позиции во средниот ред.

Наводно токму опцијата да може да игра на повеќе позиции во средниот ред е главната причина поради која Наполи не сака да се откаже од неговите услуги. Новинарот Франческо Модуњо на „Теленовело“ повикувајќи се на извори блиски до клубот објави колкава е цената на македонскиот фудбалер.

„Елмас сега е еден од највредните фудбалери на Наполи и има нова цена. Наполи сака да го продаде само за 50 милиони евра. Ако се најде купувач нема да биде за помалку пари“, изјави Модуњо.