Секако ова е само подготвителен период каде што се тестираат сите фудбалери кои ги има на располагање Анчелоти, а нешто подоцна ќе го крои најдобриот тим, најспремните за новата сезона.

Се надеваме дека меѓу нив ќе биде и Елмас кој блесна на гостувањето на „Велодром“ и имаше клучна улога во триумфот над Олимпик Марсеј.

Веднаш после завршувањето на натпреварите лавина позитивни коментари, од навивачите на Наполи, италијанските медиуми, а на социјалните мрежи се активни и фановите на Фенербахче кои секако не можат така лесно да го заборават својот поранешен миленик.

Италијанскиот медиум „Тутомеркато“ е исто така импресиониран од настапот на македонскиот „Дијамант“ кој му даде највисока оценка „7“ заедно со Каљехон, Манолас, Фабиан и Мертенс.

Како на шега изворот прашува: Дали сте сигурни дека Елмас е роден во 1999 година? Дефанзивно поставен со екстремно голем квалитет, многу добар поглед кон соиграчите меѓу линиите. Изненадува и од физички аспект, успешен во дуелите и покажува одличен карактер.

Истиот извор вели дека голот против Марсеј беше постигнат како на „плејстејшн“ и таа акција започна да се креира токму од Елмас. Исто така како на шега „се сомневаат“ дури и дека има 19 години и дека со своите перформанси делува многу позрело на теренот…