Техеран официјално поднесе жалба против САД во Советот за безбедност на Обединетите нации против аферата со американското воено беспилотно летало.

Според она што го истакнале од Иран, леталото било соборено, бидејќи летало во иранскиот воздушен простор, додека од Вашингтон го тврдат спротивното, односно дека дронот бил во меѓународен воздушен простор.

Овој инцидент дополнително ги загрози веќе лошите односи на овие две земји.

Во жалбата поднесена до ОН, како што пренесуваат светските медиуми, пренесуваат дека Иран го задржува своето право да го брани својот воздушен простор, и дека се противат на какво било загрозување.

Тензиите меѓу САД и Иран се зголемени уште од мај 2018 година кога Вашингтон отстапи од меѓународниот договор за иранската нуклеарна програма и повторно воведе тешки економски санкции кон оваа земја.