Ирак: Пожар и експлозија во магацин за оружје, 14 повредени, поголемиот дел се деца
Во јужниот дел од едно преградие во Багдад, во магацин за оружје избил пожар, по кој следувала експлозија, при што 14 лица биле повредени, а поголемиот дел од нив се деца, јавуваат светските медиуми.
Пожарот избил во една од базите на шиитските сили за самоодбрана, а во неа имало и ракети со краток домет, пренесува Ројтерс.
Поради пожарот се активирале и неколку рактети кои паднале на неколку километри оддалеченост од населено место.
Во таа прилика се повредени 14 лица, повеќето деца, соопштил локален здравствен функционер.
Портпаролот на Министерството за здравје, Саиф Бадр, изјавил дека се во прашање полесни повреди и дека поголемиот дел од повредените веќе се пуштени од болница.