Идеален летен ручек или вечера: Паста со вкусен сос од домати кој не мора да се готви
Оваа брза и лесна летна паста е одличен избор за вкусен оброк во жешките летни денови, а исто така одличен начин да ги искористите презрелите домати од сите облици, бои и големини. Овој ручек или вечера ќе биде готов за кратко време, а сосот не мора ни да се готви.
Во лето, повеќе од кога било, копнееме по лесни и брзи рецепти, а особено популарни се јадењата со тестенини. Ако ги додадеме освежителните домати и фактот дека овој вкусен сос за тестенини не ни треба да се готви, несомнено го имаме новиот омилен летен рецепт. Вкусно, освежително, ароматично и брзо.
Потребни состојки:
-1 кг домати (приближно 4-5 домати со средна големина)
– 1 чешне лук
– 85 г ситно рендан пармезан
– 60 г несолен путер
– маслиново масло
– 1 лимон
– 1 лажичка балсамико оцет
– 1 лажичка мед
– 1/2 лажичка црвен пипер
– 1 лажичка сол
– 1/2 лажичка свежо мелен црн пипер
– 450 г долги тестенини (како шпагети, лингвини или фетучини)
– половина шака искинати листови свеж босилек
Подготовка:
Прво ги подготвуваме доматите. Во сад нежно стиснете ја секоја половина домат за да ги извадите семките и вишокот течност. После тоа, исечкајте ги доматите и ставете ги во сад. Изгмечете ги доматите со задниот дел од дрвена лажица или со рацете. Додадете ги останатите состојки. Во сад ставете ги лукот, пармезанот, путерот, маслиновото масло, сокот и кората од лимон, балсамико оцетот, медот, црвениот пипер, солта и црниот пипер. Промешајте да се соединат. Покријте го садот со фолија и оставете на собна температура 15тина минути. За тоа време сварете ги тестенините во големо тенџере со добро солена вода. Сварете ги тестенините ал денте. Сварените тестенини исцедете ги и префрлете ги директно во садот со доматите. Во ред е ако додадете и малку вода за тестенини – тоа ќе помогне подобро да се стопат путерот и кашкавалот. Пробајте ги тестенините и по потреба зачинете со повеќе сол и црн пипер. Нежно измешајте го босилекот. Префрлете ги тестенините во чинии, прелијте го остатокот од сосот. Декорирајте со повеќе пармезан и малку маслиново масло. Послужете веднаш.
