Ибра: Овој Јунајтед изгледа подобро, но залудно кога не освојува ништо!
Во четвртокот Милан доживеа елиминација во осминафиналето на Лига Европа откако на домашен терен загуби со 0:1 од Манчестер јунајтед.
Златан Ибрахимовиќ настапи во второто полувреме за „росонерите“, но не успеа да дојде до реализација против својот поранешен клуб.
Швеѓанецот еден дел од неговата богата кариера ја помина токму во дресот на „црвените ѓаволи“ со кои дојде до трофеите во ФА Комјунити Шилд, Лига купот и Лига Европа во сезоната 2016/2017.
После реванш мечот на „Сан Сиро“, од Златан беше побарано да го спореди денешниот Јунајтед со тимот во кој тој играше.
– Овој тим на Манчестер јунајтед изгледа подобро од оној за кој јас играв, но тоа е целосно неважно кога не освојувате трофеи. Значи, „мојот Манчестер“ за кој настапував освојуваше трофеи, но не и сегашниот и тоа е голема разлика – рече Златан.
Лига Европа: Адеми и Ристовски за полуфинале против Виљареал