Поранешниот министер за транспорт и врски Миле Јанакиески е во самоизолација, откако имал контакт со заболен од коронавирус. Ова на денешното рочиште за случајот „Топлик“ во кој тој е обвинет го кажа судечкиот судија Осман Шабани.

Адвокатот на Јанакиески на судијата му приложи документ издаден од Државниот санитарен и здравствен инспекторат според кој му се одредува самоизолација на Јанакиески во траеше од 14 денови.

Следното рочиште за „Топлик“ е закажано за 18 ноември. Покрај Јанакиески, во „Топлик“ обвинети уште петмина вработени во Министерството за транспорт и врски. Според Основното јавно обвинителство тие се виновни бидејќи сториле злоупотреба на службената положба и овластувањата.

Јанакиески, според обвинението на СЈО, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа.

Штетата што ја направиле на државата е 65 милиони денари или милион евра.

„Таргет-Тврдина” одложено за 3 ноември зашто Мијалков има Ковид-19