Научниот совет на хрватската влада за коронавирусот не е оптимистичен и оценува дека бројот на новозаразени во Хрватска би можел да се качи и на повеќе од 2.000.

Како што пренесува Танјуг, тие стравови би можеле да се исполнат уште за три недели ако пропишаните заштитни мерки не се почитуваат. Се истакнува дека за еден месец бројката би можела да дојде и до 5.000.

Хрватски Јутарњи лист повикувајќи се на неофицијални извори, пишува декае заштитните мерки се донесуваат пропорционално со бројот на новозаразени, така што, како што наведуваат, ако има нови големи зголемувања, а особено ако не се поврзани со големи собири, ќе се донесат нови ограничувања.

Во Хрватска од вчера стапуваат во сила построги епидемиолошки мерки кои ги најави Кризниот штаб поради наглото зголемување на заразени во последните денови. Според новите правила, задолжително е носење маски во продавници, јавниот превоз, медицинските установи.

Нагло зголемување на бројот на заразени во Хрватска, стапуваат на сила построги епидемиолошки мерки

Пред еден месец, односно на 13. јуни во Хрватска броеше само 10 активни случаи со коронавирусот, а сега бројот на активни случаи е 1142. До 13. јули, регистрирани се вкупно 3775 заразени лица со новиот коронавирус од почетокот на епидемијата во Хрватска.