Либиската Национална нафтена коорпорација (НОЦ) објави дека го намалува производството во нафтените полиња „Ел Шарара“ и „Ел Фил“, откако силите на либиската Национална армија (ЛНА) под команда на Калиф Хафтар го затворија главниот гасовод од овие полиња.

-НОЦ потврди дека поединци од гардата кои ги чуваат нафтените централи со команда на ЛНК го затвориле нафтоводот Хамад-Зави, принудувајќи ја корпорацијата да го ограничи производството на нафта во нафтените полиња „Ел Шарара“ и „Ел Фил“, се вели во соопштението.

Во меѓувреме, светските лидери се близу до постигнување договор на мировната конференција за Либија во Берлин за нацрт-извештајот, изјави учесник за „Ројтерс“.

Германија и ОН, како домаќини на конференцијата, се обидуваат да го вратат Хафтар на преговарачката маса откако тој ги напушти преговорите, при што производството на нафта е намалено за половина во областите под негова  контрола.