Французинот со години важеше за еден од најдобрите фудбалери на Атлетико, но меѓу навивачите „преку ноќ“ стана омразен откако со обесштетување од 120 милиони евра се пресели на „Камп Ноу“.

Во првите месеци во каталонскиот клуб не му одеше на Гризман како што се надеваше, но и покрај тоа не зажали поради својата одлука да дојде во Барса, кој во разговор за „УЕФА ТВ“ и објасни.

– Не дојдов поради Лигата на шампионите и како би освоил уште повеќе трофеи. Си заминав од Атлетико, бидејќи сакав да вкусам нов стил на игра, нова филозофија – рече Гризман, а потоа додаде:

– Уште не ги разбирам до крај движењата на Суарез и Меси. Прилично сум срамежлив, не разговарам многу со останатите, но мислам дека се ќе си дојде на свое место. Нештата одат во позитивен правец. Мораме само подобро да ги разбереме соиграчите.

Во досегашниот дел од сезоната Французинот на 14 лигашки дуели реализираше пет погодоци и притоа четирипати асистираше.