Гренел со твит за поранешниот косовски премиер: Курти е секогаш против САД
Специјалниот претставник на Белата куќа во дијалогот меѓу Белград и Приштина, Ричард Гренел порача дека секогаш може да се смета оти лидерот на движењето „Самоопределување“ и поранешен косовски премиер, Албин Курти е против САД.
– Едно е сигурно. Секогаш може да сметате дека Курти ќе биде против САД“, напиша Гренел на Твитер.
Курти, како што пренесува „Косово онлајн“, претходно објави дека нема да го почитува договорот од Вашингтон во истиот момент штом се врати во премиерскиот кабинет. Исто така додаде дека посредниците не треба да брзаат со заклучоци што наведуваат на натамошни поделби меѓу Србија и Косово.
Курти беше против идеите на Барак Обама, како што беше и против идеите на Џорџ Буш помладиот, додаде Гренел.
– Симболизмот не плаќа кирија, тоа го прават работните места“, заклучи Гренел.