Готвиме со Маја: Брзи оброци во микро – полнет компир, макарони и брауни
Доколку немате многу време, а морате да подготвите храна дома, Маја споделува неколку брзи оброци кои може да ги подготвите во вашето микро.
Полнет компир
Потребни состојки:
- 2 големи компири
- 1 модар домат
- 1 пиперка
- 1 чешне лук
- грст магдонос
- сол и бибер
- суво оригано
Полнење:
- 1 модар домат
- 1 пиперка
- 1 чешне лук
- грст магдонос
- сол
- бибер
- суво оригано
Подготовка:
Со вилушка избоцкајте ги компирите (нелупени) од сите страни и ставете ги во микробранова по 4 минути од двете страни. Боцнете ги со вилушка да проверите дали е мека внатрешноста. Доколку не се, ставете ги уште неколку минути. Кога ќе бидат готови, засечете ја горната површина од компирот и со лажица издлабете го. Внатрешноста на компирот измешајте го со сол и масло. За полнењето, испечете модар домат и пиперка и подгответе ги како пинџур. Во нив додадете го лукот, магдонос и зачинете со сол, бибер и оригано. Убаво помешајте со внатрешноста што ја извадивте и наполнете ги компирите.
Макарони во чаша
Потребни состојки:
- 1/2 чаша макарони
- 50 мл млеко
- 1/2 лажичка брашно
- 50 гр сирење
- 50 гр кашкавал
- 1 лажица масло
- сол и бибер
- суво оригано
Подготовка:
Макароните ставете ги во чаша со вода (до половината) и варете ги во микробранова 2 пати по 3 минути со мешање помеѓу. Во еден сад измешајте ги млекото, брашното, рендано сирење и рендан кашкавал и зачинете со масло, сол, бибер и суво оригано. Во овој сос ставете ги сварените макарони и вратете ги во микро уште 1,5 минута односно додека не зоврие.
Брауни во чаша
Подготовка:
- 2 лажици путер
- 30 гр брашно
- 3 лажици шеќер
- 2 лажици какао во прав
- прстофат сол
- прстофат цимет
- 3 лажици млеко
- допир екстракт од ванила
- 1/4 пакетче пециво
Подготовка:
Во сад измешајте млеко и растопен путер. Во друг сад помешајте ги брашното, шеќерот, какао во прав, пециво, сол, цимет и ванила. Сувите состојки додадете ги во мокрите состојки и соединете. Вака подготвената смеса ставете ја во керамичка чаша, наполнета околу 2/3 и ставете ја во микробранова на најјака температура околу 1,5 минути. Готовиот колач оставете го уште 5 минути во микробранова пред да го извадите.