Меѓународната агенција за тениски интегритет (ИТИА) објави дека Симона Халеп е суспендирана поради допинг. Романката е позитивна на тест направен за време на грен слем турнирот „УС Опен“ во Њујорк.

Според ИТИА, во нејзиниот примерок е пронајдена недозволената супстанца роксадустат. Тоа е лек против анемија, кој го зголемува ендогеното производство на еритропоетин и го стимулира производството на хемоглобин и црвени крвни зрнца.

31-годишната тенисерка моментно се наоѓа на деветтото место во светот, а најголем успех и е првото место, до кое стигна во октомври 2017 година. Во кариерата освои 24 титули, меѓу кои и два Грен слем (Ролан Гарос и Вимблдон) и од награди заработи над 40 милиони долари.

Откако ја дозна лошата вест, тенисерката се огласи и се обрати до јавноста и фановите.

– Денес започнува мојот најтежок меч во животот: борбата за вистината. Бев информирана дека сум позитивен на супстанцата наречена роксадустат во исклучително мала количина, што е најголемиот шок во мојот живот. Во текот на мојата кариера, идејата за изневерување никогаш не ми падна на ум бидејќи тоа е целосно против вредностите за кои ме учеа. Се најдов во ситуација која не е фер и се чувствувам целосно збунето и изневерено. Ќе се борам до крај да докажам дека никогаш свесно не сум земала забранети супстанци и верувам дека порано или подоцна вистината ќе излезе на виделина. Не се работи за титули и пари, туку за чест и љубовна приказна што ја развив за тенисот во последните 25 години – вели Халеп.

View this post on Instagram

A post shared by Simona Halep (@simonahalep)