Ѓоковиќ се враќа на теренот: Го дозна патот кон Надал и титулата во Рим!
Грен слем турнирот во Њујорк (САД), „УС Опен“ останува минато за најдобриот светски тенисер кој наскоро ќе има нов голем предизвик, Мастерс турнирот во Рим кој ќе стартува в понеделник, 14 септември.
Титулата во Италија ја брани шпанскиот тенисер Рафаел Надал кој минатата година славеше против Новак Ѓоковиќ со резултат 2:1 во сетови 6:0, 4:6 и 6:1.
Српскиот ас сигурно ќе биде додатно мотивиран после дисквалификацијата на „УС Опен“, а денеска го дозна патот кон титулата во „Вечниот град“.
? Here we go! This is the #IBI20 #ATP Main Draw! ? pic.twitter.com/D5MfArAlEF
— Internazionali Bnl (@InteBNLdItalia) September 12, 2020
Ѓоковиќ во првото коло ќе биде слободен, а во второто ќе игра со победникот од мечот Салваторе Карузо и квалификант, а потоа го чека нешто потешка задача и еден од следните ривали Кајл Едмунд, Филип Крајиновиќ, Феликс Оже Алијасим.
На патот кон финалето најпознати противници на Ноле би можеле да му бидат Станислас Вавринка, Матео Беретини, Гаел Монфис и Давид Гофан.
Интересен е и патот на Надал, Шпанецот веќе во втората рунда ќе ги одмери силите против својот сонародник Пабло Карењо Буста, полуфиналистот од „УС Опен“ и играч против кој Ѓоковиќ беше исфрлен од Њујорк.
После таа пречка, Надал би можел да налета на српскиот тенисер Душан Лајовиќ, а на оваа страна од ждребот се и третиот носител Стефанос Циципас, Фабио Фоњини, Григор Димитров…