Ѓорческа ќе игра за финале во Сплит, Ивановски го совлада Италијанецот Донати во Дубровник
Денеска најдобриот македонски тенисер Калин Ивановски на стартот од турнирот во Дубровник, Хрватска, успеа да го да го совлада Матео Донати од Италија со 2:1 во сетови 1:6, 6:3 и 6:0.
Ивановски, кој е петти носител на турнирот во второто коло ќе игра против Босанецот Алдин Сеткиќ кој со 6:1 и 6:2 беше подобар од квалификантот Емил Дапчевиќ од Црна Гора.
Вториот наш тенисер на турнирот, Горазд Србљак (LL) иако го доби првиот сет со 6:3, неговиот противник од Босна и Херцеговина и воедно квалификант, Андреј Недиќ направи пресврт освојувајќи ги следните два сета со 6:3 и 6:3.
Ивановски настапува и во двојки, во четвртфиналето заедно со Лука Микрут од Хрватска како четврти носители ќе играат против Хрватите Марко Баничевиќ и Кристиан Тумбас Кајго.
Најдобрата македонска тенисерка Лина Ѓорческа заедно со Вероника Ерјавец од Словенија ибезбедија пласман во полуфиналето на турнирот во Сплит (Хрватска) откако 2:1 (5:7, 6:2, 12:10) ги совладаа првите носителки Екатерине Горгодзе (Грузија) и Лејре Ромеро Гормаз (Шпанија).
За пласман во големото финале Ерјавец и Ѓорческа в четврток ќе играат против чешките тенисерки Сара Бејлек и Лусие Хавлицкова кои пак со 2:1 (6:7, 6:1, 11:9) ги елиминираа Русинките Анастасија Гасанова и Екатерина Јашина.