Ѓоковиќ пред Надал и Федерер: Новак постави нов рекорд со победата над Монфис во Синсинати
Новак Ѓоковиќ во осминафиналето на Мастерс турнирот во Синсинати (САД) го совлада Гаел Монфис од Франција со 2:0 во сетови 6:3 и 6:2.
Српскиот тенисер во четвртфиналната фаза ќе игра против Американецот Тејлор Фриц. При водство од 5:0 во првиот сет, мечот го предаде Душан Лајовиќ од Србија.
Ѓоковиќ со победата над Монфис постави нов рекорд во светскиот тенис, против Французинот има дури 19 победи во низа без пораз, што е сега и официјално најдолга низа на АТП турнирите, откако претходно го делеше рекордот со Рафаел Надал кој запиша 18 победи по ред против Ришар Гаске.
Интересно е што Монфис еднаш победи против Ѓоковиќ, но на фјучрс турнир во Италија, што не е вклучено во оваа пресметка.
Третото место на таа листа го делат неколку играчи со по 17 победи (легенди како Иван Лендл и Бјорн Борг), а името на Рожер Федерер се спомнува двапати. Швајцарецот таква низа оствари против Давид Ферер и Михаил Јужни.
BEST UNDEFEATED TOUR-LEVEL H2H RECORDS (men, Open Era):
19-0: Novak Djokovic vs Gael Monfils
18-0: Rafael Nadal vs Richard Gasquet
17-0: Roger Federer vs David Ferrer
17-0: Roger Federer vs Mikhail Youzhny
17-0: Ivan Lendl vs Tim Mayotte
17-0: Bjorn Borg vs Vitas Gerulaitis pic.twitter.com/xD0jnlkmNj— Luigi Gatto (@gigicat7_) August 18, 2023