Австралискиот тенисер Ник Кирјос испрати саркастичен коментар до своите критичари, по експресната продажба на билетите за егзибицискиот меч, во кој ќе игра против Новак Ѓоковиќ.

Имено, билетите за овој меч се распродадени за рекордни 58 минути.

– Леле, Ник Кирјос е лош за спортот. Срам, национален срам! Како се осмели да распродаде уште еден стадион, ароганцијата – напиша Австралиецот на Твитер.

На почетокот на овој месец Кирјос се повлече од „Јунајтед купот“ поради повреда, но тоа се случи неколку минути пред официјалната прес-конференција и предизвика незадоволство кај австралискиот тренер Лејтон Хјуит и неколку соиграчи.

Кирјиос (27) нема настап од октомври минатата година, а поради проблеми со зглобот ги пропушти и подготвителните мечеви во Аделаида, пред Ѓоковиќ да му понуди да играат еден против друг.

Wow Nick Kyrgios is bad for the sport! Wow what a disgrace, a national embarrassment! How dare he sell out another stadium, the arrogance https://t.co/Sn37U2nAjv

— Nicholas Kyrgios (@NickKyrgios) January 10, 2023