Германската влада скромно ја зголеми прогнозата за економски раст за оваа година на 1,1 процент, што е за 0,1 процентни поени од својата проекција во октомври 2019 година.

– Економијата ќе расте подобро оваа година отколку што се проценуваше минатата година. Изгледите се повесели – но не можеме да бидеме задоволни од сегашниот раст. Тековните показатели за раст се сè уште премногу ниски – рече германскиот министер за економија Питер Алтмајер за новата прогноза.

Германската економија, најголемата во Европа, бележи експанзија 10 години по ред, но нејзиниот раст од 0,6% во БДП минатата година е најслаб од 2013 година.

Приватната потрошувачка најмногу ја поддржуваше германската економија во минатата година, додека растот на извозот забави и производството ослабе.