Германската економија падна во вториот квартал оваа година за 10,1 отсто на квартално ниво, покажуваат прелиминарните податоци на заводот за статистика „Дестатис“.

Ваквиот остар пад е последица на наглото намалување на потрошувачката кај домаќинствата, падот на деловните инвестиции и извизит поради вонредните мерки за затворање на активностите воведени поради спречување на ширењето на пандемијата од Ковид – 19, пренесува „Ројтерс“.

– Ова е најостар пад откако почнаа да се прават кварталните пресметки на ВДП во Германија уште од 1970 година, соопштува „Дестатис“.

Во тримесечјето април – јуни, БДП на најголемата европска економија на годишно ниво забележува пад од 11,7 проценти, се вели во податоците на Федералниот завод за статистика.

Аналитичарите кои ги ангетираше „Ројтерс“ предвидуваа дека германската економија во вториот квартал ќе потоне за 9 отсто на квартално ниво и за 11,3 отсто во однос на истиот период претходната година.