Германија ѝ ги испорача ветените хаубици на Украина
Германски самоодни хаубици пристигнаа денеска во Украина, со што Германија за првпат по рускиот напад на 24 февруари испорача тешко оружје.
„Ѝ благодарам на Германија за испорачаните хаубици“, се заблагодари преку Твитер украинскиот министер за одбрана Олексеј Ресников на германската колешка Кристин Ламбрехт.
Panzerhaubitze 2000 are finally part of 155 mm howitzer arsenal of the Ukrainian artillery.
I appreciate all efforts of my colleague 🇩🇪 #DefMin Christine Lambrecht in support of 🇺🇦.
Our artillerymen will bring the heat to the battlefield 🔥🔥🔥!
Photo by BMVg_Bundeswehr pic.twitter.com/mP5M0BApvO— Oleksii Reznikov (@oleksiireznikov) June 21, 2022
Станува збор за седум самоодни хаубици од типот 2000, кои Германија ги вети на почетокот на мај.
Украински војници поминаа неколку недели во базата на Бундесверот во Идар – Оберштајн, каде што научија да ракуваат со ова тешко оружје, кое, според Бундесверот, е меѓу најмодерното што го поседуваат германските воени сили.
Германската влада денеска објави список на оружје што досега ѝ го доставила на Украина, вклучително и самоодните хаубици. Ова е првпат владата да даде прецизен список на испорачано оружје.
Холандија треба да испорача уште пет хаубици од ист тип произведени во Германија.
Извор: МИА