Француските здравствени власти денеска пријавија нови 10.569 потврдени случаи на ковид-19, што е помалку од рекордното зголемување од 13.498 претходниот ден.

Бројот на луѓе во Франција кои починале од инфекција со ковид-19 се искачи на 31.585 од 31.274 во саботата, соопшти Министерството за здравство.

Вкупниот број на случаи сега изнесува 453.763.

Во текот на септември, се зголеми бројот на заразени лица во Франција, а беше надминат дневниот рекорд во бројот на нови случаи.

Бројот на пациенти во болниците и одделенијата за интензивна нега исто така расте, но тој број сè уште не е толку голем како што беше на пролет.

– Ние сме во ситуација, особено регионите што ги споменав, каде што можам само да барам да ги зголемите мерките, особено во однос на луѓето што ги гледате секој ден. Семејните собири се главниот извор на Ковида-19, рече францускиот министер за здравство.

Дополнителните мерки, кои од понеделникот се на сила во Марсеј и Бордо, се однесуваат на собири на плажа, посета на домови за стари лица и присуство на јавни настани.