„Фраерски е да се чита“ со Биљана Црвенковска во книжарницата ТРИ
Утре во 12.30 часот во книжарницата ТРИ во ГТЦ се организира дружба на млади читатели со Биљана Црвенковска, писателка на литература за деца. Овој настан е од отворен карактер и е дел од кампањата „Фраерски е да се чита“ на издавачкиот центар ТРИ насочена кон промоција на читањето меѓу младите. Во рамките кампањата книжарницата ќе донира и книги на училишната библиотека на основно училиште во скопската околина.
Во рамките на активности за привлекување на млади читатели извадачкиот цнетар ТРИ во своите книжарници обезбеди попуст на мноу книги наменети за оваа читателска публика.
– Ова е само почеток на еден подолгорочен процес. Не застануваме тука затоа што веруваме дека, ако имаме млади генерации што читаат, тогаш ќе имаме популација што размислува разумно и со своја глава. Инвестираме во нешто што е за општо добро за сите, и за таа цел ги повикуваме сите кои директно влијаат врз младите – родителите, наставниците, медиумите – да ни се приклучат во оваа кампања за подигнување читателска свест кај младите – Александра Филиповска од Издавачки центар ТРИ.