Во шпанскиот град Винарос, во покраината Кастелон, со царски рез е родено девојче со сè уште недопрена амнионска ќеса.

Овој неверојатен настан, еден од 80.000, кој се нарекува скриено породување, е кога бебето излегува од сè уште недопрено амнионско ќесе, кое обично пука кога ќе започнат контракциите, односно породувањето, пишува британски „Мирор“.

За да помине сè без проблеми се погрижила гинекологот и акушер Ана Теијело, која го предводела лекарскиот тим кој го направил царскиот рез.

Теијело на Твитер сподели видео од царскиот рез кој бил направен минатата средата на 23 март.

– Денеска имавме прикриен царски рез (вториот близнак) во болницата Винарос и тука се гледа одушевувањето на учесниците – напишала лекарката во описот на фотографиите.

Hoy en el hospital de Vinaròs hemos tenido una cesárea velada (2 gemela) y aquí podéis ver el entusiasmo de los participantes @GVASalutVinaros @VinarosNews @GVAsanitat @epmediterraneo
Porque hay días que hacen que recordemos porque estamos en esto. Lo comparto con permiso, claro pic.twitter.com/YG0OR164Og

— AnaTeijelo (@AnaTeijelo) March 23, 2022

Амнионската ќеса е тенка ќеса исполнета со течност која го опкружува фетусот во текот на бременоста и помага да се заштити плодот од повреди и да се регулира температурата.

Скриеното породување, познато и како породување „сирена“ или „en caul“, како што уште се нарекуваат, се почести во текот на царските резови, но може да се појават и при вагиналните породувања.

– Прекрасни фотографии, зарем не? Првиот скриен царски рез што сум го видела и ми се допадна. Ништо не им кажувам на студентите, иако признавам дека јас сум таа којашто воодушевено вреска на видеото – напишала Теијело.

Las fotos preciosas, ¿no os parece? La primera cesárea velada que he visto y me ha encantado, y no os digo nada a los estudiantes (aunque reconozco que la de los gritos soy yo). Pasa aproximadamente una vez cada 80000 partos y hoy nuestros estudiantes han tenido un día de 10. pic.twitter.com/FSQiUdqJnQ

— AnaTeijelo (@AnaTeijelo) March 23, 2022

„Тоа се случува еднаш на 80.000 породувања. Близнаците кога се родија беа исклучително добро“, додала лекарката.