ФОТО+ВИДЕО: Речиси 30 лица загинаа во бурата Компасу на Филипините
Триесет луѓе загинале на Филипините при лизгање на земјиштето и поплави предизвикани од бурата Компасу, соопшти државната агенција за катастрофи, а 13 лица се водат како исчезнати.
Северната провинција Илокос Сур објави најголем број жртви (14) од кои повеќето се удавиле во поплавите. Три лица се водат како исчезнати во провинцијата, пренесува Ројтерс.
Во провинцијата Бенгует, девет лица, од кои пет деца, загинале во одроните што ги затрупале нивните домови, додека едно дете се уште се води како исчезнато, наведува агенцијата.
Дваесет и петгодишна жена загина од струен удар во провинцијата Пангасинан, а шест лица се удавија во поплавите во провинциите Кагајан и Палаван.
Девет лица исчезнале во поплавите во Пангасинан, Палаван и провинцијата Ла Унион, додаде агенцијата.
Residents trapped by flash floods were rescued by zip line during Tropical Storm Kompasu in the Philippines yesterday. pic.twitter.com/MZnI7HiXZv
— AccuWeather (@accuweather) October 12, 2021
Поплавите Компасу од минатиот викенд го опустошува северниот дел на Филипините со обилни дождови и силни ветрови. Повеќе од 15 илјади луѓе морале да ги напуштат своите домови, а 325 куќи биле оштетени во погодените области.
Штетата за земјоделството и инфраструктурата се проценува на повеќе од 23 милиони долари, соопшти агенцијата за катастрофи.
Филипинските Острови во просек се под закана од 20 тропски циклони годишно.
Најсилниот тајфун што некогаш ги погоди Филипините беше тајфунот Хаијан, во кој загинале повеќе од 6.300 луѓе, а повеќе од 4 милиони луѓе биле принудени да ги напуштат своите домови во ноември 2013-та година.
Поплави на Филипините, девет лица загинаа при лизгање на земјиштето