ФОТО+ВИДЕО | Хаос во Грција: Полицијата употребува водени топови и солзавец за да ги растера демонстрантите кои протестираат против новите мерки за ковид-19
Најмалку 4500 демонстранти се собраа вчера на плоштадот „Омонија“ во Атина, а потоа се упатија кон плоштадот „Синтагма“ и го попречуваа сообраќајот, објави грчката полиција.
Во соопштението се вели дека 1500 демонстранти останале околу 40 минути на плоштадот „Синтагма“ и на улицата поврзана со плоштадот, „игнорирајќи ги предупредувањата и повиците на полицијата да се засолнат со цел да се овозможи непречен сообраќај“.
– Одеднаш, неколкумина од нив започнаа да пукаат кон полицијата со парчиња мермер, камења, факели и молотови коктели. Тогаш полициските службеници користеа водени топови, со ограничена употреба на солзавец, за да ја растераат масата, се посочува во денешното соопштение.
Полицијата додава дека по инцидентот биле приведени 25 лица, пренесе „Спутник“.