Фотографија која го прикажува ужасот од климатските промени: Ова е прв знак дека на планетата и се заканува КАТАСТРОФА
Стефен Олсен, метеорологот од Данскиот метеоролошки завод, беше на рутинска мисија во северозападниот дел на Гренланд каде требало да ги собере инструментите за мерење на атмосферските промени оставени од неговите колеги. Неговата мисија не помина како што очекуваше.
Наместо да ги најде метеоролошките инструменти поставени на дебелата ледена покривка, на местото го дочекала огромна количина вода, односно стопениот мраз на Гренланд.
Тој ја снимил тажната глетка – кучињата како влечат санка за на снег застанати во светлосината вода, и фотографијата вирално се рашири на социјалните мрежи, главно од луѓе кои предупредуваат за глобалното затоплување.
Оваа фотографија сигурно ќе остане запаметена како уште една во низата моќни фотографии што сведочат за последиците од глобалното затоплување.
Олсен на Twitter предупреди дека заедниците на Гренланд зависат од замрзнатото море за превоз, лов и риболов и дека топењето на ледената покривка прво ќе се одрази кај нив и нивното преживување.
Communities in #Greenland rely on the sea ice for transport, hunting and fishing. Extreme events, here flooding of the ice by abrupt onset of surface melt call for an incresed predictive capacity in the Arctic @BG10Blueaction @polarprediction @dmidk https://t.co/Y1EWU1eurA
— Steffen M. Olsen (@SteffenMalskaer) June 14, 2019
Повеќе од 40 отсто од мразот на Гренланд, или две милијарди тони мраз, се истопија за 24 часа во текот на викендов.
Иако Гренланд е најголем остров на светот со големо количество мраз, многу е невообичаено толку многу мраз да се истопи во јуни. Сезоната на топење трае од јуни до август, а најголем дел се топи во јули.