Најфреквентниот пешачки премин во светот е вистинска слика за лудилото, метежот и шаренилото на Токио, па не е невообичаено што често ги инспирира уметниците и аматерите.

Најфреквентниот пешачки премин во светот се наоѓа во областа Шибуја во Токио, која е дом на многу знаменитости, но и места на модерна и поп култура кои мора да се видат, па затоа е препознаен и како место за возбудлив ноќен живот, место каде што луѓето доаѓаат да се покажат и да видат кој е таму.

Но, големата фреквенција на самиот премин се должи на една од најфреквентните железнички станици во светот, од која практично се излегува на оваа раскрсница. Ова е станицата Шибуја, местото каде што светски познатото куче Акита Хачико секој ден десет години по неговата смрт го чекаше својот сопственик да излезе од возот.

Над 2.500 луѓе минуваат низ пешачкиот премин во областа Шибуја во еден „зелен“ интервал, а тој број во еден ден расте на милион или повеќе. Самиот пешачки премин поминува десет сообраќајни ленти, пет огромни зебри ги поврзуваат најфреквентните места на овој фреквентен и модерен кварт, а патот на пешаците им го покажуваат огромните екрани кои се синхронизираат со секој премин и дополнително ги предупредуваат пешаците на црвени или зелени семафори, а на нив се испишани и други знаци информации и известувања како временска прогноза, пишува „Пункуфер“.

Иако го носи прекарот „брзање“ или „гужва“, речиси е неверојатно на оваа раскрсница сообраќајот да се одвива без никакви застои и проблеми.

Се разбира, најдобриот поглед на раскрсницата е од птичја перспектива, па затоа околните облакодери често имаат платформи за фотографирање на преминот (за што во некои случаи се наплаќа такса).

Најдобар поглед на овој премин од патот е оној од Старбакс на северната страна на раскрсницата, каде што е вистинско чудо да се најде празно седиште и кој работи со најголем профит од сите гранки на таа франшиза во светот.